Rebħa impressjonanti tat-tim Malti fil-Kampjonati Ewropej tan-Nazzjonijiet iż-Żgħar ilbieraħ, rebħa storika hekk kif Malta tikseb l-ewwel deheb tagħha bħala tim!
It-tim, inklużi l-lifters nisa Roberta Tabone u Yazmin Zammit Stevens, u l-lifters maskili Anton Micallef, Shaun Ciantar, u Vlad Baldacchino, ikkompetew f’San Marino u kisbu riżultati mill-aqwa. Huma għelbu lil Ċipru, li ġew fit-tieni post, u lill-Islanda, li kisbu it-tielet post – it-tnejn li huma ddominaw il-kampjonati fis-snin preċedenti.
Tim tal-Weightlifting
Yazmin ġiet fit-tieni post fid-diviżjoni individwali femminili, eżatt wara lifter mill-Islanda fejn kisbet 240 punt filwaqt li Roberta ġabet total ta’ 234 punt. Yazmin poġġiet fuq Instagram tagħha biex taqsam l-aħbar it-tajba mas-segwaċi tagħha, bit-titlu “FLIMKIEN għamilna l-istorja!”
View this post on Instagram
Il-grupp tal-irġiel ukoll wettaq riżultati pożittivi. Vlad kiseb 309 punt, Anton kiseb 295 punt u Shaun kiseb 285 punt. Il-punti totali tat-tim akkumulaw għal 1,365, li kienu biss biżżejjed biex jegħlbu l-1,333 punt ta’ Ċipru.
Din il-kompetizzjoni kienet possibbli biss bl-għajnuna mill-Kumitat Olimpiku ta’ Malta u SportMalta.
