It-turiżmu naqas b’rata drastika. L-ajruport ta’ Malta ħareġ li tul ix-xogħol ta’ Jannar għamel daqs tliet ijiem xogħol meta mqabbel mas-soltu iżda xorta għad hemm min qed isiefer.
Il-Ministru responsabbli mis-Saħħa Pubblika ħareġ lista aġġornata dwar ittestjar mandatorju ta’ ċerti vjaġġaturi. Dan ifisser li kull vjaġġatur li jiġi minn xi pajjiż elenkat fil-lista riveduta ta’ pajjiżi indikata hawn taħt għandu jipprovdi PCR COVID-19 test negattiv magħmul mhux aktar minn tnejn u sebgħin (72) siegħa qabel il-wasla tiegħu f’Malta.
Vjaġġaturi ġejjin f’Malta minn xi wieħed fost dawn il-pajjiżi li jonqsu milli jipproduċu dan it-test jistgħu jkunu sottomessi għall-ittestjar f’Malta u jistgħu jkunu soġġetti għal kwarantina.
Lista riveduta ta’ pajjiżi:
- L-Andorra
- L-Awstrija
- Il-Belġju
- Il-Bulgarija
- Ċipru
- L-Estonja
- Franza
- Il-Ġappun
- Il-Ġermanja
- Il-Ġordan
- Il-Greċja
- L-Indoneżja
- L-Irlanda
- L-Italja (l-ajruporti kollha minbarra Sqallija u Sardenja)
- Il-Kanada
- Il-Kroazja
- Il-Latvja
- Il-Libanu
- Il-Liechtenstein
- Il-Litwanja
- Il-Lussemburgu
- Il-Marokk
- Monaco
- L-Olanda
- Il-Polonja
- Il-Portugall (l-ajruporti kollha minbarra Madeira u Azores)
- Ir-Renju Unit
- Ir-Repubblika Ċeka
- Ir-Rumanija
- San Marino
- Slovakkja
- Is-Slovenja
- Spanja (l-ajruporti kollha minbarra Canarias)
- L-Iżvezja
- L-Iżvizerra
- It-Tajlandja
- It-Tuneżija
- It-Turkija
- L-Ungerija
- L-Urugwaj
- Il-Vatikan
Dan l-avviż dwar il-lista riveduta ta’ pajjiżi ser jidħol fis-seħħ is-Sibt 13 ta’ Frar 2021 f’nofs il-lejl.
