Ixxerja

Daniel Chircop qasam messaġġ emozzjonanti u mimli mħabba hekk kif iċċelebra għeluq snin bintu Cara, b’kliem li juri r-rabta speċjali li għandhom bejniethom.

“It-tifla ċkejkna tiegħi… sitt snin ilu mill-jum li għall-ewwel darba żammejtek f’idejja,” kiteb Daniel, hekk kif beda jfakkar mument li jibqa’ għal dejjem f’qalbu. Huwa żied jgħid li dawn kienu “sitt snin sbieħ mimlija mħabba, daħk, ferħ u tgħanniq bla tarf.”

B’emozzjoni kbira, huwa stqarr, “Inħobbok aktar milli jistgħu jesprimu l-kliem, għażiża Cara”, u ddeskrivieha bħala “ix-xemx tagħna, li ddawwal kull ġurnata”.

Fil-messaġġ tiegħu, Daniel ma naqasx milli jawgura lil bintu għall-futur, fejn qal, “Nittama li din is-sena ġġiblek aktar ferħ, avventuri u ħolm li jsir realtà”, filwaqt li żied talba sinċiera: “Jalla Alla dejjem iberikek u jipproteġik, għażiża ċkejkna tiegħi”.

Huwa temm il-messaġġ tiegħu b’awguri sempliċi iżda mimlija tifsira, “Is-sitt snin it-tajba, qalbi”, kliem li jiġbor fih l-imħabba kbira ta’ missier lejn bintu.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Din L-Art Ħelwa Għawdex Tappoġġa S-Sejħa Biex Noma Island Titneħħa Minn Ħdejn Kemmuna

Kyle Zarb Illum

Din l-Art Ħelwa Għawdex tesprimi l-appoġġ sħiħ tagħha lill-Kunsill Lokali ta’ Għajnsielem fis-sejħa tiegħu biex Noma Island titneħħa minnufih minn ħdejn Kemmuna. Ir-ritratt mehmuż, meħud ilbieraħ filgħaxija (b’esposizzjoni fotografika ta’ 30 sekonda) diġà juri livell għal kollox inaċċettabbli ta’ tniġġis bid-dawl li qed jaqa’ fuq Kemmuna, minkejja li dak il-ħin ma kien qed isir ebda […]