Ixxerja

Josuel Grech qasam mument importanti fil-karriera tiegħu, f’Parkes Elvis Festival fl-Awstralja, fejn ġie onorat bi stilla li ġġorr ismu f’Graceland Gates fil-belt ta’ Parkes.

L-unur ingħata wara li Grech ġie rikonoxxut bħala r-rebbieħ tal-edizzjoni tal-2025 ta’ dan il-festival, wieħed mill-akbar avvenimenti ddedikati lil Elvis Presley. F’messaġġ li qasam fuq il-midja soċjali, huwa ddeskriva l-ġurnata bħala waħda speċjali, u qal li jkollu stilla b’ismu f’belt f’kontinent ieħor kienet esperjenza li qatt ma kien jimmaġina.

Grech qal li dan ir-rikonoxximent ifisser ħafna għalih, speċjalment għax jikkonferma li ħalla l-marka tiegħu fl-istorja tal-festival u tal-belt ta’ Parkes. Huwa rringrazzja lill-organizzaturi u lill-komunità lokali għall-mod kif laqgħuh u apprezzaw ix-xogħol tiegħu.

Il-Parkes Elvis Festival huwa magħruf li jiġbed eluf ta’ partitarji kull sena, u s-suċċess ta’ Grech f’din il-kompetizzjoni jitqies bħala kisba notevoli għal artist Malti fuq livell internazzjonali. Dan il-pass fil-karriera tiegħu jkompli jsaħħaħ il-preżenza tiegħu fix-xena internazzjonali tat-tribute artists ta’ Elvis Presley.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Wara 3 Snin Jiġġieled Il-Kanċer B’Kuraġġ Ta’ Sur, Illum Ħalla Din Id-Dinja” – Mart Matthew Wismayer

Cristian Tonna Illum

Ftit sigħat ilu ħarġet l-aħbar ta’ niket li ħalla din id-dinja Matthew Wismayer li fl-aħħar 3 snin ta’ ħajtu ġġieled b’kuraġġ ta’ sur kontra l-marda tal-kanċer. Matul ħajtu, Matthew serva bħala d-direttur ta’ diversi kumpaniji stabbiliti lokalment. Ħarġet din l-aħbar ta’ sogħba martu Annabelle li spjegat kif wara snin ta’ reżiljenza, żewġha ħalla din id-dinja […]