Il-preżentatriċi Stephanie Chircop qasmet post li ġiet ippubblikata fuq Facebook li turi kemm id-determinazzjoni u l-kuraġġ huma b’saħħithom. Tkun xi tkun iċ-ċirkostanza, dejjem tista’ tagħmel ħiltek biex tasal fejn tixtieq.
Il-post tlaqqagħna ma’ Jono Lancaster li jbati bit-Treacher Collins Syndrome, iżda ma ħalla xejn iwaqqfu milli jkompli għaddej.
“Ġie abbandunat mill-ġenituri meta twieled, kienu jaqbdu miegħu t-tfal, it-tobba qalu li ma kienx se jkun normali… illum il-ġurnata huwa fitness trainer, jivjaġġa madwar id-dinja u jispira lil tfal oħra bħalu.”
Stephanie tikteb, “Kelli naqsam din magħkom, biex nikkonferma kemm aħna lkoll sodi, irrispettivament minn dak li jgħidulek in-nies! Kulma trid, tista’ tiksbu. Din il-qawwa fil-fond ta’ ġewwa fina, hija dak li dejjem ħbew minna, għal raġuni.”
Prosit Stephanie li qsamt dan il-messaġġ li jagħmel tant sens!
Facebook/ Stephanie Chircop
