Ixxerja

Wara s-suċċess ta’ Żmien Ieħor, għal dan il-Milied il-grupp Klikka reġa’ ġab rigal mużikali speċjali lill-pubbliku Malti: verżjoni ġdida tal-kanzunetta tant popolari Ġej il-Milied, b’arranġament mużikali ġdid ta’ Philip Vella u b’kollaborazzjoni ma’ wieħed mill-aktar ismijiet maħbubin tal-mużika Maltija, Freddie Portelli.

Din il-kanzunetta, li għal snin twal kienet parti mill-ħoss tal-festi f’pajjiżna, issa ngħatat ħajja ġdida u moderna mingħajr ma tilfet is-sbuħija oriġinali tagħha. Il-verżjoni l-ġdida tnediet t-Tlieta 2 ta’ Diċembru flimkien ma’ vidjow mużikali ħelu ħafna maħdum minn żewġ studenti żgħażagħ mimlija talent, Axel Yesyosmar Massa u Kieran Bonnici.

Il-membri ta’ Klikka esprimew kemm huma grati lejn il-pubbliku għall-appoġġ kontinwu, speċjalment matul l-aħħar snin. Ġej il-Milied – Klikka ft. Freddie Portelli huwa proġett li jgħaqqad ġenerazzjonijiet differenti permezz tal-mużika, u joffri lill-pubbliku x’jisma’ u jgawdi matul dan l-istaġun festiv.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Iffirmat Ftehim B’Aċċenn Fuq L-Indipendenza Finanzjarja Biex Tissaħħaħ Il-Prevenzjoni Tal-Vjolenza Domestika

Gwida.mt Illum

Issokta l-programm ta’ attivitajiet bħala parti mis-sittax-il jum ta’ attiviżmu kontra l-vjolenza domestika b’iffirmar ta’ ftehim għal tliet snin bejn il-Kummissjoni dwar il-Vjolenza abbażi tal-Ġeneru u l-Vjolenza Domestika, id-Diviżjoni tal-Gvern Lokali u l-Bank of Valletta. Bis-saħħa tal-ftehim it-tliet entitajiet ser jaħdmu flimkien biex iwasslu fil-komunità l-edukazzjoni finanzjarja b’aċċenn fuq l-iskansar ta’ sitwazzjonijiet li jwasslu għal […]