L-Assoċjazzjoni Medika ta’ Malta qed issejjaħ għall-kanċellazzjoni immedjata ta’ avvenimenti tal-massa wara numru ta’ każijiet pożittivi ġew irrappurtati minn avvenimenti li saru fl-aħħar jiem.
Fi stqarrija għall-istampa, il-MAM ikkundannat ukoll l-uffiċċju tal-Prim Ministru talli ta eżempju ħażin u li jmur kontra r-rakkomandazzjonijiet tal-awtoritajiet tas-saħħa pubblika.
Fl-istqarrija tagħhom huma kitbu, “L-MAM tikkundanna mingħajr riżerva l-eżempju ħażin mogħti mill-organizzazzjoni ta’ kunċert, mill-uffiċċju tal-Prim Ministru fejn ma ttieħdu assolutament l-ebda miżuri ta’ distanza soċjali kif irrakkomandat mill-uffiċċju tas-supretendent tas-saħħa pubblika.”
“Il-MAM tikkundanna wkoll il-Ministeru għat-Turiżmu għal-lobbying barra l-pajjiż biex jattira parties tal-massa għal eluf ta’ persuni mhux Maltin wara li dawn ġew miċħuda l-permess barra mill-pajjiż,” qalet.
Tajjeb li nfakkru li Malta rrevokat l-emerġenza tas-saħħa pubblika tagħha fil-bidu ta’ Lulju segwita mill-ftuħ mill-ġdid tal-ajruport u t-tneħħija tal-projbizzjoni fuq laqgħat tal-massa. Tul dawn l-aħħar jiem il-każi sparaw għal 26!
