Ixxerja

L-għalliema u l-istaff fl-iskejjel se jibdew jiġu mlaqqma f’madwar sitt ġimgħat meta jispiċċa t-tilqim li għaddej bħalissa, dan ġie ikkonfermat mill-Ministru għas-Saħħa Chris Fearne mas-sit The Malta Independent.

Waqt konferenza stampa nhar it-Tlieta, Fearne ta aġġornament fil-qosor dwar is-sitwazzjoni tal-Covid-19 ġo pajjiżna. Mil-lum, 43,000 doża se jingħataw b’kollox, filwaqt li 12,000 minn dawn huma t-tieni doża tal-vaċċin.

Fearne qal li filwaqt li Pfizer u Moderna jeħtieġu 3 u 4 ġimgħat bejn kull doża rispettivament, il-vaċċin Astra Zeneca jeħtieġ 8 sa 10 ġimgħat bejn kull doża. Bħalissa qed jiġu mlaqqma dawk kollha li huma kkunsidrati vulnerabbli. Dawn se jingħataw il-vaċċin Pfizer peress li għandu l-iktar studji magħmula fuq nies vulnerabbli.

Dan hu t-tielet grupp li ħa tirċievi l-vaċċin u l-proċess mistenni jieħu 6 ġimgħat. Imbagħad fl-aħħar ta’ Marzu, ir-raba’ grupp li jikkonsisti fl-għalliema u l-istaff tal-iskejjel se jibdew jiġu mlaqqma. Fearne kkonferma wkoll li terz tat-tieni grupp ġie mlaqqam.

Facebook / Chris Fearne

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

L-Awtorità Tal-Ippjanar Tiċħad Pjanijiet Għal Kafetterija Ħdejn Knisja f’Raħal Ġdid

Emil Calleja Bayliss Illum

L-Awtorità tal-Ippjanar ċaħdet pjanijiet biex tinfetaħ kafetterija żgħira ħdejn il-knisja parrokkjali ta’ Raħal Ġdid, wara li qalet li l-istruttura proposta kienet se tfixkel lill-knisja u tagħmel ħsara lis-simetrija viżiva tagħha.Minkejja li l-proġett kien ġie approvat mill-korp tal-wirt tal-Kurja u mis-Sovrintendenza tal-Wirt Kulturali, l-Awtorità tal-Ippjanar xorta waħda ddeċidiet li ma tapprovax l-iżvilupp.Il-Kappillan wara esprima d-diżappunt tiegħu […]