Il-preżentatriċi u influencer Maltija Lexie DeBattista ħabbret aħbar mill-isbaħ fuq il-midja soċjali hekk kif, flimkien ma’ żewġha Kyle DeBattista, qed jistennew l-ewwel tarbija tagħhom.
Lexie qasmet filmat emozzjonanti li mal-ewwel laqat qalb is-segwaċi tagħha, filmat li juri mument intimu u mimli ferħ minn ħajjithom bħala koppja. Fl-istess post, hi kitbet messaġġ qasir iżda sinifikanti li jgħid, “Sena ġdida, kapitlu ġdid… u qed naħseb li dan se jkun l-aktar wieħed speċjali sa issa.”
L-aħbar intlaqgħet b’mod pożittiv ħafna, b’ħafna kummenti ta’ awguri u mħabba minn ħbieb, familjari u segwaċi li ferħu magħhom għal dan il-pass importanti fil-ħajja tagħhom.
Mingħajr dubju, din is-sena se tkun waħda memorabbli għal Lexie u Kyle, hekk kif qed jippreparaw biex jibdew kapitlu ġdid bħala ġenituri għall-ewwel darba.
Awguri mill-qalb!
Instagram / lexiedebattista
