Id-dinja kienet ixxukkjata lbieraħ filgħaxija hekk kif ħarġet l-aħbar li Catherine O’Hara ħallietna fl-età ta’ 71 sena. L-attriċi Kanadiża kienet il-favorita ta’ ħafna u kienet ħadmet f’xi wħud mill-aktar films u serje televiżivi maħbuba bħal Home Alone, Beetlejuice u Schitt’s Creek.
Fl-aktar film famuż tal-Milied, Home Alone, Macaulay Culkin kellu r-rwol ta’ bin Catherine. Matul ħajtu, Culkin ħass konnessjoni ġenwina ma’ Catherine, speċjalment peress li l-ġenituri tiegħu ma kinux preżenti kif suppost għandhom ikunu l-ġenituri f’ħajtu.
Huwa kiteb messaġġ ta’ qsim il-qalb u emozzjonali lil Catherine hekk kif sar jaf li mietet. “Ma, ħsibt li kellna aktar ħin,” hu kiteb fuq il-midja soċjali. “Ridt aktar. Ridt noqgħod fuq siġġu ħdejk. Smajtek imma kelli ħafna aktar xi ngħid. Inħobbok. Narak aktar tard.”
