F’post il-midja soċjali, il-kok Sean Gravina ħeġġeġ lill-pubbliku biex jappoġġja n-negozji lokali wara li sofrew ħafna minħabba l-pandemija tal-Covid-19. Hu qal, “Din hija l-ewwel btala qasira tagħna wara l-Covid,” waqt li qasam ritratt tiegħu flimkien ma’ martu Ira, fir-Radisson Golden Sands.
Meta kkummenta dwar kemm il-lukanda qed timxi mal-linji gwida tal-awtoritajiet tas-saħħa b’rabta mal-Covid-19, huwa jgħid, “li laqtitni kienet l-attenzjoni metikoluża għal-linji gwida tas-sanità”, u jkompli jħeġġeġ lil dawk li jgħixu Malta biex jappoġġjaw il-lukandi ta’ pajjiżna.
“Ejja nżuru lukandi f’Malta u ngawdu s-siti lokali, ikel lokali u l-iktar nappoġġjaw l-aħwa tagħna,” hu jgħid li min jagħmel dan ikun qed juri appoġġ lill-istabbiliment innifsu, kif ukoll jappoġġja lill-familji u lit-tfal ta ‘ kull min jaħdem hemm. “Nibdew billi nivvjaġġaw f’Malta għax Malta għandha bżonnna iktar minn qatt qabel issa.”
Facebook / Sean Gravina
