Ixxerja

“Tnax-il sena ilu, Rose Vella għaddiet minn waħda mill-aktar esperjenzi iebsa fil-ħajja – it-telfa ta’ żewġha Karl, li miet ta’ 37 sena. Telfa li ħalliet vojt kbir… iżda wkoll xprunat fiha forza li bidlet id-dwejjaq f’għajnuna għal oħrajn,” kitbet il-Ministru għall-Inklużjoni u l-Volontarjat, Julia Farrugia.

Żiedet tgħid li flimkien ma’ Claire, Rose waqqfet il-Karl Vella Foundation (KVF) – fondazzjoni li llum saret pilastru ta’ sapport għal ħafna familji Maltin. Matul is-snin, din il-fondazzjoni baqgħet tagħti spalla psikoloġika lil mijiet ta’ pazjenti, familji u tfal li qed jaffaċċjaw mard serju jew it-telfa ta’ xi ħadd għażiż. Permezz ta’ inizjattivi u servizzi ta’ appoġġ, il-KVF toffri mhux biss għajnuna professjonali, iżda wkoll tama f’mumenti ta’ dlam.

Il-Ministru, Julia Farrugia, faħħret dan ix-xogħol billi enfasizzat kif il-fondazzjoni hija “legat imżewweġ mal-volontarjat li qed jagħmel ħafna ġid”. Storja li tfakkarna kif anke minn uġigħ profond jista’ jitwieled xi ħaġa li jixħet id-dawl. Il-Karl Vella Foundation tibqa’ xhieda ċara li l-imħabba u l-ġenerożità jistgħu jkomplu jgħixu… anke wara telfa kbira.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Tiġi Kkanċellata L-Purċissjoni Tal-Madonna Tad-Duluri Tal-Belt Valletta Minħabba Temp Instabbli

Cristian Tonna Illum

Għadu kif tħabbar li minħabba t-temp instabbli li qed joqlot lill-gżejjer Maltin illejla, il-purċissjoni tal-Madonna tad-Duluri li ta’ kull sena ssir fit-toroq tal-Belt Valletta se tkun qiegħda tiġi kkanċellata. Fi stqarrija l-Knisja ta’ Ġieżu fissret kif din id-deċiżjoni kienet waħda diffiċli ferm iżda sostnew li kienet meħtieġa sabiex tiġi żgurata s-sigurtà ta’ dawk kollha li […]