Alex Borg għandu lill-poplu Għawdxi għal qalbu mmens u jħobb imiss il-polz tal-poplu. F’post li tella’ kmieni llum tkellem dwar problema li qed jaffaċċjaw numru ta’ ġenituri Għawdxin.
Hu kiteb, “Qed ninnota li ħafna ġenituri Għawdxin qed iħabbtu wiċċhom mal-problema bejn ix-xogħol u li jieħdu ħsieb uliedhom. Kullħadd japprezza li taħt Gvern Nazzjonalista ġew implimentati dawn ic-‘childcare centres’ u taħt Gvern Laburista ġew b’xejn, u hekk għandu jkun. Però issa wasal iż-żmien li ninvestu aktar fi spazji u binjiet biex dawn il-ġenituri u l-familji jkunu jistgħu jkomplu bix-xogħol tagħhom.”
Alex ikompli jżid, “Dawn ma jistgħux jibqgħu jistennew fuq ‘waiting list’ biex iħallu lil uliedhom f’childcares sal-2023, għax biex jagħmlu dan ser ikollhom ibatu finanzjarjament u mhux ftit. Ejja flimkien insibu l-aħjar mod ta’ kif nistgħu ngħinu lil dawn il-familji u jekk hemm bżonn sakemm jinbnew aktar spazji għal aktar childcares nistgħu nużaw spazji oħra jekk hemm bżonn anke tal-privat.”
Hu jgħaddi l-parir li jkun hemm childcare centres fuq il-post tax-xogħol li żgur li jkunu ta’ għajnuna kbira lill-ġenituri.
