Ixxerja

Il-Malta Records ħabbru rekord nazzjonali ġdid li għal darb’oħra ġie mwettaq mill-istess għaqda – kisba li tassew jistħoqqilha tifħir. Din id-darba, ir-rekord kien jikkonsisti fl-ikbar numru ta’ klieb tar-razza Dachshund, magħrufa wkoll bħala sausage dogs, rikbin fuq żewġ ferroviji wara xulxin, b’total impressjonanti ta’ 94 kelb u kelba.

Dan ir-rekord inkiseb mill-Għaqda Talent Dingli waqt l-attività popolari u tant mistennija ‘The Original Train Ride with Santa and the Elves’ Factory’, li waslet fi tmiemha ilbieraħ. Attività li mhux biss ġabet ferħ u tbissim lil dawk kollha preżenti iżda ħalliet ukoll marka speċjali fil-ktieb tar-rekords Maltin.

Għal Talent Dingli, din mhijiex l-ewwel darba li rnexxielhom iwettqu rekord ta’ dan it-tip, hekk kif dan huwa r-raba’ rekord nazzjonali mwettaq mill-istess għaqda — prova ċara tal-kreattività, id-dedikazzjoni u l-impenn kontinwu tagħhom biex joħolqu avvenimenti oriġinali li jgħaqqdu l-komunità.

Il-Malta Records esprimew l-apprezzament tagħhom lejn l-għaqda, u rringrazzjawhom minn qalbhom talli ospitawhom f’atmosfera wisq festiva, mimlija spirtu tal-Milied, entużjażmu u mħabba lejn l-annimali.

Avveniment li għal darb’oħra juri kif b’idea oriġinali u ħidma kollettiva, jistgħu jinħolqu mumenti memorabbli li jagħmlu unur lill-komunità lokali u jpoġġu lil Malta fuq il-mappa tar-rekords b’mod uniku u kreattiv.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

Sejħa Urġenti Għat-Tip Ta’ Demm ‘O Positve’

Eileen Cumbo Salerno Ilbieraħ

Hekk kif qed noqorbu lejn l-istaġun tal-Milied, is-Servizz Nazzjonali tad-Demm f’Malta ħabbar li l-istokk tad-demm ‘O Positive’ laħaq livelli kritiċi. Dan it-tip ta’ demm huwa essenzjali b’mod partikolari għal pazjenti pedjatriċi u dawk li qed jirċievu kura onkoloġika, li ħafna drabi jkunu jeħtieġu trasfużjonijiet regolari. L-‘O Positive’ huwa wieħed mill-aktar tipi ta’ demm użati fl-isptarijiet, speċjalment f’każijiet ta’ […]