Renzo jsir l-aħħar eliminat ta’ MasterChef Malta wara episodju mimli tensjoni u livell għoli ta’ tisjir li xxandar ilbieraħ filgħaxija.
Il-programm ta’ din il-ġimgħa kellu mistieden speċjali ferm magħruf, Gino D’Acampo, li qatta’ ftit ħin mal-kontestanti finalisti – Renzo, Sam u l-Banana – fejn mhux biss qasam l-esperjenza tiegħu, iżda wera wkoll diversi platti minn tiegħu.
L-isfida prinċipali kienet waħda impekkabbli: it-tliet parteċipanti kellhom jippreparaw madwar disa’ platti differenti bħala ġieħ lil Gino, ispirati mill-istil, it-teknika u t-togħmiet tiegħu. Kien episodju intensiv li poġġa l-ħiliet, il-kreattività u r-reżistenza tal-kontestanti fuq prova reali.
Minkejja l-isforz u l-passjoni li wera, Renzo ma rnexxilux jikkonvinċi biżżejjed lill-ġurija f’dan l-istadju kruċjali tal-kompetizzjoni, u spiċċa eliminat minn MasterChef Malta. Sam u Banana, min-naħa tagħhom, irnexxielhom jimpressjonaw u jkomplu l-vjaġġ tagħhom fil-programm fejn ingħaqdu ma’ Wayne fil-finali!
X’deherilkom mill-episodju tal-bieraħ? Taħsbu li d-deċiżjoni kienet ġusta?
Facebook / Masterchef Malta
