Messaġġ emozzjonanti u mimli nostalġija minn Twanny Scerri fuq il-midja soċjali hekk kif ftakar lil missieru f’għeluq sninu, b’kelmiet li jolqtu l-qalb u jfakkru kemm ir-rabta bejn ġenitur u iben tibqa’ dejjem ħajja.
“Karm kieku bħal-lum kont indoqqlek kanzunetta ta’ Raffaella Carrà f’għeluq sninek… Insomma xorta ħa ndoqq waqt BONGU CALYPSO dejjem Calypso Radio 101.8 u DAB+ Digital Radio – Malta. Għall-memorja tiegħek!” kiteb Twanny, waqt li wera kemm għadu jżomm lil missieru qrib qalbu anke wara tant snin.
Fl-istess post, Twanny qasam ukoll ritratt speċjali li jmur lura 69 sena ilu. mument sabiħ li fih jidher hu flimkien ma’ missieru meta kellu biss sena u nofs. Ritratt li mhux biss iġib tifkiriet personali, iżda wkoll jirrakkonta storja ta’ familja, mħabba u rabta li tgħaddi minn ġenerazzjoni għal oħra.
Il-messaġġ tiegħu jintemm b’awguri sempliċi imma profondi, “Happy Birthday Pa minn ħdejn l-Ħallieq!” – frażi li turi t-twemmin u t-tama li dawk li ħallewna jinsabu f’post aħjar, dejjem jaraw u jħossu l-imħabba ta’ dawk li baqgħu warajhom.
Dan il-messaġġ ta’ Twanny mhux biss ifakkarna fil-valur tal-familja, iżda wkoll kemm hu importanti li nżommu ħajjin il-memorji ta’ dawk li tant ħabbuna.
Facebook / Twanny Scerri
