Ixxerja

Ryanair ikkonfermat li l-2025 kienet l-aktar sena traffikuża tagħha f’Malta, wara skeda rekord u ż-żieda tad-disa’ ajruplan ibbażat lokalment matul l-istaġun tax-xitwa.

Il-linja tal-ajru rrapportat li ġarret total ta’ 5.2 miljun passiġġier lejn u minn Malta matul l-2025, żieda ta’ 15% fit-traffiku meta mqabbla mas-sena ta’ qabel. Dan it-tkabbir ġej wara investiment kbir ta’ $900 miljun, marbut mal-ajruplan addizzjonali li ġie bbażat f’Malta minn Novembru li għadda.

Skont Ryanair, l-operazzjonijiet estiżi wasslu għal aktar konnettività, aktar għażla ta’ rotot u tariffi orħos kemm għar-residenti Maltin kif ukoll għall-viżitaturi li jżuru l-gżejjer Maltin.

Il-kumpanija kkonfermat ukoll li qed tippjana li tkompli tikber f’Malta fl-2026, bis-skeda tas-Sajf 2026 mistennija titħabbar fil-ġimgħat li ġejjin.

Id-Direttur tal-Komunikazzjoni ta’ Ryanair, Jade Kirwan, qalet li l-linja tal-ajru tinsab sodisfatta ħafna li qed timmarka l-aktar sena impenjattiva tagħha f’Malta, u enfasizzat li l-espansjoni tal-flotta u l-iskeda rekord kienu l-fatturi ewlenin li wasslu għal dan is-suċċess.

Int tuża Ryanair biex tivvjaġġa?

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

Illum Mhux Biss Jum San Valentinu, Iżda Wkoll Il-Jum Internazzjonali Tal-Għoti Tal-Kotba

Bernard Xuereb Ilbieraħ

Il-Jum Internazzjonali tal-Għoti tal-Kotba, iċċelebrat kull sena fl-14 ta’ Frar, huwa jum iddedikat biex tagħmel eżattament dak li jgħid it-titlu – tagħti l-kotba. Din il-festa speċjali hija ċċelebrata minn dawk li jħobbu l-kotba madwar id-dinja kollha. Huwa jum biex taqsam l-imħabba tiegħek għall-kotba ma’ xi ħadd – speċjalment it-tfal – li jista’ ma jkollhomx aċċess […]