Ixxerja

Il-kantant Malti Kevin Borg qasam messaġġ mill-aktar sinċier u emozzjonanti fuq il-midja soċjali b’tifkira ta’ Anna Speranza, li se tingħata l-aħħar tislima tagħha għada.

Bi kliem mimli mħabba u rispett, Borg stqarr li għalkemm se jkun diffiċli jdoqq u jkanta waqt il-funeral tagħha, se jagħmel dan bħala unur lejha. Huwa ddeskriva lil Anna bħala persuna ta’ qalb tajba, mimlija kura u passjoni għall-ħajja, u fakkar fl-appoġġ li dejjem kienet tagħtih tul il-vjaġġ tiegħu fil-karriera mużikali.

Kevin semma wkoll l-imħabba ta’ Anna lejn il-mużika tal-Beatles u lejn ir-Renju Unit, kif ukoll il-mod kif dejjem kienet tilqgħu bi tbissima u kliem ta’ kuraġġ kull darba li kienet tarah Floriana.

Il-funeral ta’ Anna Speranza se jsir għada fil-Knisja tal-Kapuċċini, fit-2pm. Borg wassal il-kondoljanzi tiegħu lill-familja tagħha, filwaqt li sellmilha b’kelmiet li jmissu l-qalb.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“271 Kilometru Madwar Għawdex… Din L-Għawma Kienet Differenti Għax Għażilna Rotta Xjentifika” – Neil Agius

Gabriella Borg Ilbieraħ

Sena wara sebat’ ijiem ta’ għawm madwar Għawdex, Neil Agius kiteb dwar il-konklużjonijiet xjentifiċi li wasal għalihom. Hu spjega, “Is-sena l-oħra, għamilt l-għawma ta’ sebat’ ijiem, 271 kilometru madwar Għawdex, f’esperiment ħaj. Din l-għawma kienet differenti għax għażilna rotta xjentifika, fejn studjajna l-moħħ, u l-ġisem, taħt kundizzjonijiet estremi.” Żied jgħid li diversi studju rriżultaw li […]