Studju xjentifiku ġdid ta' Arnold Sciberras wera li l-Dudu tas-Sajd (Ligia italica), isopodu kostali magħruf sew fil-Mediterran, għandu diversità ġenetika ferm ikbar milli kien maħsub, b’popolazzjonijiet distinti bejn Sqallija, Malta u l-inħawi ta’ madwarhom.
Ir-riċerka, bl-isem “First Insights into the Mitochondrial DNA Diversity of the Italian Sea-Slater Across the Strait of Sicily”, analizzat il-varjazzjonijiet ġenetiċi ta’ din l-ispeċi karismatika billi ntużat l-analiżi tal-mitokondriju DNA.
Ir-riżultati juru kif l-Istrett ta’ Sqallija jaġixxi bħala barriera bijoġeografika importanti li qed tifforma l-istruttura u l-konnettività tal-popolazzjonijiet.
Arnold Sciberras qal li s-sejbiet ewlenin jinkludu:
- Diversità mitokondrijali għolja bejn il-popolazzjonijiet.
- Struttura ġenetika distinta bejn il-popolazzjonijiet Maltin u Sqallin.
- Kapaċità limitata ta’ dispersjoni u evidenza ta’ iżolament storiku bejn iż-żewġ naħat tal-Istrett.
