Il-band Maltija popolari The Travellers se tkun qed tiċċelebra għaxar snin ta’ suċċessi b’kunċert speċjali li se jsir fil-Malta Fairs & Conventions Centre (MFCC) f’Ta’ Qali, fil-5 ta’ Ġunju 2026.
Tul dawn l-aħħar snin, The Travellers stabbilixxew ruħhom bħala waħda mill-aktar bands maħbuba f’Malta, b’kanzunetti li saru parti mill-kultura mużikali lokali. Magħrufa għall-enerġija tagħhom fuq il-palk, il-lirika li tolqot il-qalb u stil distintiv Malti, il-band għandha segwaċi ta’ kull età.
Dan il-kunċert se jkun aktar minn sempliċi spettaklu mużikali, se jkun ċelebrazzjoni tal-vjaġġ tal-band tul dawn l-għaxar snin. Dawk li jattendu jistgħu jistennew repertorju b’saħħtu li jinkludi l-akbar suċċessi tagħhom, flimkien ma’ mumenti speċjali u produzzjoni li tirrifletti l-importanza ta’ din l-okkażjoni.
Il-band stqarret, “Dan mhux biss il-vjaġġ tagħna, imma wkoll ta’ eluf ta’ nies li kienu parti minn din l-esperjenza. F’dawn l-10 snin kbirtu magħna, u dan il-lejl se jkun ċelebrazzjoni ta’ dak kollu li bnejna flimkien.”
L-MFCC se jinbidel f’esperjenza mużikali unika fejn eluf ta’ partitarji se jingħaqdu għal lejl mimli enerġija, nostalġija u mumenti li jibqgħu mfakkra.
Informazzjoni dwar il-biljetti, Il-biljetti huma diġà għall-bejgħ minn www.eventworks.mt/travellers, b’diversi kategoriji disponibbli:
- Accessibility: €40 (Validu għal persuna u ‘helper’)
- General Standing: €20
- General Seated: €35
- VIP Standing: €35
- VVIP Standing: €50
- VIP Seated: €50
Facebook / The Travellers
