Il-preżentatriċi, ġurnalista u kantanta Maria Muscat, magħrufa aħjar bħala La Barokka, hi rikonoxxuta ħafna għall-pariri li tħobb tikteb fuq il-midja soċjali. Tal-lum kienet dwar il-biżà li xi wħud jaf ikollhom biex jitkellmu kontra l-ħażen.
“Tibża’ qatt titkellem kontra l-ħażen…,” bdiet hi. “Tibża’ qatt min-nies li jilbsu ħwejjeġ ta’ poter biex jimpressjonawk li huma allat. Alla wieħed biss hemm, u allura anki jekk tbati fiżikament jew emozzjonalment, tibżax titkellem il-verita’. Nemmen bil-qawwa li Alla jipproteġik. Vera ma tieħux midjalji f’din id-dinja, imma qalbek tkun fil-paċi.”
Maria kompliet billi qalet: “Ilbieraħ ddiżgustajt ruħi b’wieħed mis-saċerdoti akkużat li stupra tifel…u b’mod arroganti għall-aħħar staqsiena jekk hux narawh jibki! Tibżgħux min-nies li jużaw poteri tad-dinja biex mingħalihom jagħmlu li jridu. Tibżgħux minnhom. Għalhekk jien qatt ma nibża’ nitkellem. U ma nibża’ minn ħadd ħlief minn Alla l-imbierek.”
Taqbel ma’ Maria, jew għandek xi opinjoni oħra? Iktbilna fil-kummenti.
Facebook/Maria La Barokka Muscat
