Ixxerja

Nigel Vella kiteb, “Ma nistax nemmen li Fonz, kif kont insejjaħlu jiena, ħalliena. Raġel b’qalb tad-deheb li kien jaf iħobb u jgħożż. Bniedem li minkejja s-suċċessi tiegħu, baqa’ saqajh mal-art, jirrispetta u jgħin lil kulħadd.”

“Kien hu li mbottani ħafna fil-każin San Gejtanu. Kien hu li kien iħeġġnini nistudja. Kien hu li kien jagħmili l-kuraġġ fix-xogħol tiegħi. Fonz mhu se ninsik qatt u grazzi ta’ dak kollu li għamilt, għal Ħamrun, għal Każin San Gejtanu u anke għalija.”

Hu jagħlaq billi jgħid, “F’uliedek nara x-xbieha ħelwa tiegħek. Ħu ħsiebhom u ħu ħsieb lil martek Carmen li kienet tħobbok tant. Sakemm nerġa’ narak Fonz.”

Fuq l-istess post, ħafna taw il-kondoljanzi lill-familja ta’ Fonzu u kien hemm saħanistra minn ikkummenta, “tlifta Ħamruniż ta’ vera.” Kellu għal qalbu l-Ħamrun u lil San Gaetano wisq. F’isem Gwida.mt, insellmu l-memorja tiegħu u ngħaddu l-kondoljanzi tagħna lil familtu.

Facebook / Marie-Clare Sammut

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

L-Awtorità Tal-Ippjanar Tiċħad Pjanijiet Għal Kafetterija Ħdejn Knisja f’Raħal Ġdid

Emil Calleja Bayliss Illum

L-Awtorità tal-Ippjanar ċaħdet pjanijiet biex tinfetaħ kafetterija żgħira ħdejn il-knisja parrokkjali ta’ Raħal Ġdid, wara li qalet li l-istruttura proposta kienet se tfixkel lill-knisja u tagħmel ħsara lis-simetrija viżiva tagħha.Minkejja li l-proġett kien ġie approvat mill-korp tal-wirt tal-Kurja u mis-Sovrintendenza tal-Wirt Kulturali, l-Awtorità tal-Ippjanar xorta waħda ddeċidiet li ma tapprovax l-iżvilupp.Il-Kappillan wara esprima d-diżappunt tiegħu […]