Ixxerja

B’messaġġ sinċier u mimli emozzjoni, Gaffiero Ivan ħabbar li sfortunatament kellu jħassar l-impenji kollha tiegħu għal-lum, fosthom il-programm li kellu jixxandar fuq OneRadio fl-10pm.

“Sfortunatament illum ma niflaħx ħafna u se jkolli nħassar dak kollu li kelli llum… vera kontra qalbi imma ħakmitni sew l-influwenza,” jikteb Ivan, waqt li appella wkoll biex nitolbu għalih u għall-morda kollha bħalissa.

Min jaf lil Ivan jaf ukoll li huwa persuna li verament iħobb dak li jagħmel, bniedem li jagħti qalbu u ruħu għal dawn l-affarijiet u li dejjem jersaq lejhom b’passjoni u dedikazzjoni kbira. Proprju għalhekk, din id-deċiżjoni kienet waħda diffiċli għalih, speċjalment meta kien qed iħares ’il quddiem b’ħeġġa kbira għal dan il-programm.

Għalkemm ħafna kienu qed jistennewh b’entużjażmu, il-messaġġ tiegħu jfakkarna li s-saħħa għandha tibqa’ dejjem il-prijorità.

Minn qalbna nawgurawlu fejqan ta’ malajr u nittamaw li nerġgħu narawh lura fuq ix-xandir dalwaqt, b’aktar saħħa u enerġija. 💙

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Ozzy Lino Jħabbar Singathon Ta’ 48 Siegħa Sabiex Iqajjem Kuxjenza Dwar Is-Saħħa Mentali

Emil Calleja Bayliss Illum

Il-kantant Malti Ozzy Lino se jkun qed jagħmel sfida straordinarja ta’ stamina u determinazzjoni permezz ta’ Singathon kontinwu ta’ 48 siegħa, bl-għan li jqajjem kuxjenza u jsaħħaħ id-diskussjoni dwar is-saħħa mentali. L-avveniment se jsir mis-6 sat-8 ta’ Frar 2026 fis-Sala tal-Planetarium fi ħdan Esplora, Villa Bighi, il-Kalkara. Din l-inizjattiva qed tiġi organizzata b’kollaborazzjoni ma’ Caritas […]