Wara jiem ta’ temp relattivament stabbli u xemxi, jidher li x-xita se terġa’ tagħmel ritorn fuq il-Gżejjer Maltin bħal-lum ġimgħa, skont l-aħħar tbassir tat-temp.
Il-bidla fit-temp mistennija ġejja minn sistema ta’ pressjoni baxxa li se tkun qed tersaq lejn iċ-ċentru tal-Mediterran, u li tista’ ġġib magħha sħab aktar dens, riħ u anke xi ħalbiet tax-xita fuq diversi lokalitajiet madwar Malta u Għawdex.
Ritratt: https://www.timeanddate.com/weather/malta/valletta/ext
Għalkemm għadu kmieni biex jingħata tbassir preċiż fuq l-intensità tax-xita, l-indikazzjonijiet juru li t-temp se jibda jinbidel gradwalment matul il-ġimgħa, b’żieda fis-sħab u temperaturi li jistgħu jinżlu xi ftit meta mqabbla mal-jiem preċedenti.
Dan jista’ jkun sinjal ta’ bidla żgħira fil-mudell tat-temp hekk kif nidħlu aktar fil-perjodu tar-rebbiegħa, fejn il-kundizzjonijiet atmosferiċi jibqgħu jinbidlu bejn xemx u xita.
Dawk li għandhom pjanijiet għal ġimgħa oħra huma mħeġġa jibqgħu aġġornati mat-tbassir tat-temp, hekk kif is-sitwazzjoni tista’ tinbidel skont kif jiżviluppaw is-sistemi meteoroloġiċi fil-jiem li ġejjin.
Se tkun qed tilqa’ din ix-xita jew tippreferi li jibqa’ t-temp xemxi?
