Fil-25 ta’ Ġunju, 2009, il-kantant Amerikan Michael Jackson miet minħabba intossikazzjoni bil-propofol u aktar mediċina fid-dar tiegħu f’Los Angeles. Fit-28 ta’ Awwissu, 2009, il-Coroner tal-Kontea ta’ Los Angeles ikkonkluda li l-mewt ta’ Jackson kienet omiċidju. Jackson kien ingħata dawn il-mediċini mit-tabib tiegħu stess.
Michael Jackson huwa meqjus bħala wieħed mill-aktar figuri kulturali sinifikanti tas-seklu 20. Matul karriera ta’ erba’ deċennji, il-kontribuzzjonijiet tiegħu għall-mużika, iż-żfin, il-moda, u l-filantropija, flimkien mal-ħajja personali pubbliċizzata tiegħu, għamluh figura globali fil-kultura popolari. Huwa influwenza lil artisti minn ħafna ġeneri, u permezz ta’ wirjiet fuq il-palk u vidjow, ippopolarizza mossi kkumplikati taż-żfin bħall-moonwalk, li lilu ta l-isem, u r-robot. Huwa l-aktar artist tal-mużika mogħti premjijiet fl-istorja.
Uħud mill-aktar kanzunetti famużi tiegħu jinkludu: Billie Jean, Thriller, Smooth Criminal, Heal The World, Black or White, Earth Song, Beat It, They Don’t Care About Us u Don’t Stop ’Til You Get Enough.
