Ixxerja

Matul is-sbatax-il episodju tal-programm l-Inspjegabbli li jixxandar fuq TVM+ kull nhar ta’ Tlieta fil-17:15, it-tim tal-Inspjegabbli ser jitkellmu dwar it-temp u l-fenomeni naturali. Attwalment meta jitkellmu fuq it-temp l-attenzjoni tagħhom tmur minnufih fuq it-tibdil fil-klima. Suġġett topiku u vitali fiż-żminijiet li qed ngħixu fih.

Iżda kultant ninsew fenomeni oħra naturali marbuta mat-temp, fenomeni li wieħed tajjeb jitkellem dwarhom minn żmien għal żmien – bħal ngħidu aħna ċ-ċpar, il-milgħuba, l-isħab aħdar u l-miraġġi.

• X’inhuma dawn eżattament?
• Kif jiffurmaw? U x’impatt iħallu?

Il-mistieden fil-panel se jkun l-analista tat-temp Samuel Cutajar. Il-programm l-Inspjegabbli jkun ripetut il-Ħamis fil-23:15 fuq TVM+, il-Ġimgħa fil-23:00 fuq TVM u l-Ħadd fis-19:15 fuq TVM+. Tistgħu wkoll issegwu programmi li diġa’ xxanddru billi tidħlu f’din il-ħolqa: https://tvmi.mt/series/967 

L-Inspjegabbli huwa preżentat minn Kevin Mercieca, li jieħu ħsieb ukoll il-produzzjoni, mgħejjun minn Kurt Pawley u Jonathan Farrugia bi produzzjoni Eżekuttiva ta’ Flash Productions.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

TV

Mel Gibson Bil-Ħsieb Li Jipproduċi Serje Televiżiva Dwar L-Assedju L-Kbir Tal-1565

Emil Calleja Bayliss 16 ta' Marzu, 2026

L-attur u direttur Mel Gibson qed jaħdem fuq pjan biex jipproduċi serje televiżiva limitata dwar wieħed mill-aktar avvenimenti importanti fl-istorja ta’ Malta, l-Assedju l-Kbir tal-1565.Skont rapporti internazzjonali u intervisti li ta Gibson f’dawn l-aħħar snin, il-proġett għandu jiffoka fuq l-assedju drammatiku li fih l-Ordni ta’ San Ġwann, flimkien ma’ eluf ta’ difensuri Maltin, żammew kontra […]