Ixxerja

Lil Fadi żgur li nafuh bħala karattru mill-isbaħ mis-sensiela ta’ Come Dine With Me Malta. Nafuh bħala makeup artist, u wkoll bħala kantant brillanti, li jkanta b’tant emozzjoni u passjoni. Fil-fatt Fadi huwa verament artist, għax anke jibrilla fl-arti tal-pittura.

Waqt TVAM xandru feature mid-dar ta’ Fadi fejn rajna kemm ħoloq xogħol artistiku bellezza. Fadi jitkellem dwar il-proċess meta jibda jesprimi ruħu artistikament fit-tpinġija, kif ukoll kif jidħol f’dinja ta’ kreattività.

Jibda jispjega l-inkwatri u kif huma relatati ma’ fażi minn ħajtu, fosthom pittura li tinsab fil-progress, li titkellem dwar din is-sena.

“Għalija hi meditazzjoni. Nieqaf milli qed nagħmel u nitfa’ moħħi fil-pittura, u d-dinja tista’ tistenna,” jgħid Fadi.

Segwu aktar fil-filmat:

View this post on Instagram

A post shared by TVAM (@tvam.mt)

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

TV

“Tinkwetawx, L-Episodju Tal-Bieraħ Se Jintwera Llejla!” – Avviż Ġdid Mit-Tim Ta’ Come Dine With Me Malta

Kyle Zarb Ilbieraħ

Ilbieraħ sfortunatament kellu jiġi pospost il-programm ta’ Come Dine With Me Malta, u t-tim ħa ħsieb li javża lill-pubbliku b’aġġornament ieħor. “Tinkwetawx, l-episodju tal-bieraħ se jintwera llejla! Lestu l-fardal u l-aptit għax se nkomplu nħawdu l-borma flimkien sal-Ġimgħa!” – Ċertament li din hi aħbar li kienu qed jistennew bosta, wara l-konkorrenza stupenda li qed ikollu […]