Wara ħafna preparamenti, nhar il-Ħadd 7 ta’ Diċembru ħa ssir Open Day mill-11:00 sas-14:00 fix-xelter tal-klieb, Noah’s Ark, Mellieħa.
Ħafna klieb jispiċċaw hawn wara li jkunu abbandunati, ħafna minnhom ikunu għaddew ukoll minn xi trawma.
Min fejn bdiet din l-idea?
Din l-idea bdiet minn żewġ voluntiera fejn l-għan tagħhom huwa li jgħinu lil dawn l-annimali abbandunati.
“Minn ċajta spiċċajna qed norganizzaw avveniment li kien jinvolvi ħafna preparamenti,” tgħid waħda mill-voluntiera.
X’ħa jkun hemm eżatt?
Bażikament din hija ħarġa għall-familja kollha fejn wieħed jista’ jixtri affarijiet relatati mal-klieb, ħa jkun hemm Santa Klaws fejn wieħed jista’ jieħu r-ritratti, vann għal tazza kafè tajba, kif ukoll ħafna rigali x’jintrebħu. Wieħed jista’ wkoll jagħżel li jgħin b’xi donazzjoni jew xi għotja tal-ikel.
“Kulma nitolbu huwa għal temp sabiħ u biex niltaqgħu ma’ ħafna nies li jħobbu l-annimali,” tkompli tgħidilna.
Nagħmlu dan kollu biex naraw il-klieb abbandunati fi stat tajjeb, inkunu lesti għalihom għal li jista’ jinqala’, u l-iktar li nkunu kuntenti meta jsibu d-dar u l-familja li tħobbhom.
