Ixxerja

F’att ta’ ġenerożità u mħabba, il-familja Arapa għamlet donazzjoni ta’ €500 lill-Puttinu Cares, b’tifkira taż-żagħżugħ George Arapa li ħalla din id-dinja fl-età żgħira ta’ 22 sena.

Din id-donazzjoni hija xhieda ta’ kemm il-familja tibqa’ tgħożż il-memorja ta’ George, filwaqt li tkompli tagħmel ġid f’ismu. Minkejja t-telfa kbira li għaddew minnha, huma għażlu li juru s-solidarjetà tagħhom ma’ dawk li għaddejjin minn mumenti diffiċli.

Il-familja Arapa dejjem esprimiet il-gratitudni tagħha lejn Puttinu Cares, organizzazzjoni li ilha snin twal tgħin pazjenti Maltin li jkollhom bżonn kura barra minn Malta. Apparti minn hekk din il-familja baqgħet dejjem leali u lesta biex toffri l-għajnuna tagħha.

Donazzjonijiet bħal dawn mhux biss jgħinu finanzjarjament, iżda jġibu magħhom ukoll messaġġ qawwi ta’ tama, solidarjetà u mħabba lejn il-proxxmu.

F’messaġġ li qasam Puttinu cares, irringrazzjaw lill-familja Arapa għal dan il-ġest sabiħ u nobbli. Jalla George jibqa’ mfakkar permezz tal-ġid li qed isir f’ismu.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

“Int Mhux Biss Il-Kelb Tiegħi… Int Ibni” – Selwyn Ta’ Love Island B’Messaġġ Li Jmiss Il-Qalb 

Eileen Cumbo Salerno Ilbieraħ

Mument li mess il-qlub ta’ ħafna mis-segwaċi tiegħu – Selwyn, magħruf minn Love Island, qasam messaġġ profond u emozzjonanti ilbieraħ biex jiċċelebra għeluq il-ħames snin tal-kelb tiegħu. F’post li ġibed ħafna attenzjoni fuq il-midja soċjali, Selwyn fetaħ qalbu u wera kemm ir-rabta bejnu u l-kelb tiegħu hija waħda speċjali u unika.“Awguri f’għeluq il-ħames snin lit-tifel tiegħi […]