Il-festival popolari SummerDaze Malta ħabbar b’entużjażmu li ser ikollna f’Malta żewġ ismijiet kbar fix-xena mużikali internazzjonali: Lewis Capaldi u Calvin Harris.
Ritratt: Facebook/ Calvin Harris
Dan l-avveniment tant mistenni se jerġa’ jiġbed l-attenzjoni ta’ eluf ta’ dilettanti tal-mużika, hekk kif iż-żewġ artisti huma magħrufa għall-istil uniku tagħhom u għall-ħila li joħolqu konnessjoni qawwija mal-udjenza.
Capaldi, artist distintiv li kiseb suċċess kbir grazzi għall-vuċi emozzjonali tiegħu u lirika li tolqot il-qalb, b’kanzunetti bħal Someone You Loved, Hold Me While You Wait u Survive.
Min-naħa l-oħra, Calvin Harris jibqa’ figura ewlenija fid-dinja tal-mużika dance moderna, artist li ddomina charts madwar id-dinja b’ħafna suċċessi globali bħal We Found Love, Feel So Close u How Deep Is Your Love.
SummerDaze se jsir f’Ta’ Qali Concert Area u jwiegħed jumejn mimlijin enerġija, mużika u atmosfera festiva li diffiċli tinsa.
Dan il-festival qed ikompli jikkonsolida r-reputazzjoni tiegħu bħala wieħed mill-akbar avvenimenti mużikali tas-sajf f’Malta, li jiġbed kemm talent internazzjonali kif ukoll udjenzi minn madwar l-Ewropa.
Facebook/ SummerDaze
