Ixxerja

Messaġġ mimli mħabba u apprezzament ġie maqsum mill-preżentatriċi Josette Sciberras, hekk kif iċċelebrat għeluq snin ħuha, b’kliem li juru r-rabta li hemm bejniethom.

Fil-messaġġ tagħha, Josette ddeskriviet lil ħuha bħala “l-aqwa wieħed fid-dinja”, filwaqt li rringrazzjatu talli dejjem kien hemm għaliha u appoġġjaha f’kull pass li għamlet. Hija enfasizzat kif mhux biss hu ħuha, iżda wkoll l-aqwa ħabib tagħha, rabta li tmur lil hinn mir-relazzjoni familjari.

“Grazzi talli dejjem issapportjajtni f’kollox,” kitbet Josette, hekk kif kompliet tesprimi kemm dan l-appoġġ kien importanti għaliha tul iż-żmien.

Il-messaġġ jagħlaq bix-xewqa li ħuha jkollu kull ferħ possibbli f’ħajtu, sinjal ċar tal-imħabba u r-rispett li għandha lejh.

Dan il-messaġġ laqat lil ħafna, hekk kif jirrifletti relazzjoni sinċiera u soda bejn aħwa, relazzjoni mibnija fuq fiduċja, sapport u ħbiberija vera.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“24 Sena Ta’ Mħabba, Daħk, Sfidi U Memorji” – Adrian Saliba Lil Martu Evelyn

Emil Calleja Bayliss Illum

Fuq il-midja soċjali, Adrian Saliba qasam messaġġ emozzjonanti f’okkażjoni speċjali ħafna, l-24 anniversarju taż-żwieġ tiegħu ma’ Evelyn Saliba La Rosa. F’din il-ġurnata importanti, Adrian fakkar il-vjaġġ sabiħ li għaddew flimkien tul dawn is-snin kollha. Huwa ddeskriva dawn l-24 sena bħala mimlija mħabba, daħk, sfidi u memorji li ma jbiddilhom ma’ xejn fid-dinja. Fi kliemu, Evelyn […]