Ixxerja

Il-ferħ ta' qattusa ta’ madwar erba’ xhur issa għandha isem u qed tfittex dar permanenti biex tkun maħbuba u mħarsa. Animal Welfare Gozo qasmu l-istorja ta’ Minnie wara li l-ġimgħa li għaddiet kienu appellaw biex jaraw jekk kinitx annimal domestiku mitluf, iżda ħadd ma resaq ’il quddiem.

Minnie kienet tinsab f’sitwazzjoni perikoluża ħafna hekk kif kienet kważi ħa tintlaqat minn karozza. Fortunatament, fosterer tal-Animal Welfare Gozo nduna biha fil-ħin u ħadha f’post sigur.

Minn dakinhar, Minnie wriet kemm għandha karattru ħelu. Hija tortoiseshell sabiħa u, skont l-Animal Welfare Gozo, hija vera “purring machine”, hekk kif tibda tferfer, kull darba li tara bniedem. Barra minn hekk, tħobb ħafna t-tgħanniq u għandha natura kalma u ħelwa.

L-Animal Welfare Gozo qed jappellaw lill-pubbliku sabiex Minnie ssib il-familja perfetta u ideali għaliha, peress li ma jistgħux jirriskjaw li Minnie terġa’ tispiċċa fit-triq waħedha u abbandunata.

Min hu interessat li jagħti lil Minnie dar permanenti u mimlija mħabba, jista’ jikkuntattja lill-Animal Welfare Gozo permezz ta’ messaġġ privat.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

“Bla Dubju, L-Olanda Tibqa’ Dejjem F’Qalbna” – Mariah Zammit B’Messaġġ Hekk Kif Ittemm Il-Vjaġġ Tagħha Fl-Olanda

Matthea Grech Illum

Wara sentejn u nofs tgħix fl-Olanda, Mariah Zammit qasmet messaġġ emozzjonanti hekk kif għalqet kapitlu importanti f’ħajjitha u rritornat lura Malta.F’post fuq il-midja soċjali, Mariah spjegat li, minkejja li l-post wasal bi ftit dewmien, ma setgħetx ma tagħlaqx il-kapitlu tal-Olanda billi ma turix dan il-post. Hija ddeskriviet it-tluq minn Den Bosch bħala “A bittersweet goodbye”, […]