Ixxerja

“Hemm kliem li jgħaddi… u hemm kliem li jibqa’ għal dejjem.” Dan kien il-messaġġ li wassal Adrian “Il-Guru” Gusman permezz tal-midja soċjali hekk kif il-kampanja elettorali qed tersaq lejn il-qofol tagħha.

Fil-messaġġ tiegħu, Adrian tkellem dwar il-maħfra u l-kuntentizza vera fil-ħajja, fejn sostna li “il-veru barka u l-kuntentizza f’ħajtek tkun biss meta inti taħfer qabel ma jitolbuk il-maħfra.”

Huwa żied jgħid li l-elezzjoni se tgħaddi fi ftit ġimgħat oħra, iżda kliem iebes jew żejjed jista’ jħalli marka għal żmien twil. “Moħħna hemm fl-elezzjoni… kull ma jonqos ftit ġimgħat oħra u jgħaddi kollox, imma kelma żejda tibqa’ għal dejjem,” kiteb Adrian.

Il-kliem tiegħu wassal messaġġ ta’ għaqda, rispett u paċi fil-mod kif persuni jitkellmu ma’ xulxin, speċjalment fi żmien fejn id-diskussjonijiet politiċi ħafna drabi jistgħu jiżvolġu f’argumenti jaħarqu sew fuq il-midja soċjali kif u fil-ħajja ta’ kuljum.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

“It-Temp Illum Pjuttost Imdaħħan. Matul Il-Lejl B’Ċans Ta’ Ftit Taqtir Tal-Ħamri” – It-Temp Madwarna

Bernard Xuereb Illum

U hekk kif ninsabu fil-jiem maħkuma minn sħaba tar-ramel, il-paġna tal-Facebook It-Temp Madwarna tat rapport dettaljat tat-temp. “It-temp illum jisbaħ pjuttost imdaħħan, li jsir il-biċċa l-kbira xemxi matul il-jum u jerġa’ jissaħħab matul il-lejl b’ċans ta ftit taqtir tal-ħamri,” huma kitbu. Din żgur hi aħbar li ħadd ma ħa pjaċir biha! Ftit wara tellgħu ritratt […]