Il-katina internazzjonali tal-elettronika Euronics mistennija tidħol fis-suq Malti fil-futur qarib, skont rapporti.
Jidher li l-kumpanija qed tippjana li tiftaħ ħanut fil-proġett il-ġdid ta’ db Group f’Pembroke, li hu mistenni jitlesta aktar tard din is-sena.
Ritratt: euronics.ee
Euronics għandha aktar minn 6,500 ħanut mifruxin fuq 37 pajjiż fl-Ewropa, l-Asja Ċentrali, il-Lvant Nofsani u l-Afrika ta’ Fuq, u tispeċjalizza f’apparat elettriku li jvarja minn friġġijiet u magni tal-ħasil sa televiżjonijiet, laptops u consoles tal-logħob.
Il-ħanut il-ġdid huwa mistenni jkun parti miċ-ċentru kummerċjali St George’s Mall.
Id-dħul ta’ Euronics f’Malta kapaċi jġib aktar kompetizzjoni fis-settur tal-elettronika u joffri għażla akbar lill-konsumaturi lokali.
