Ixxerja

Waqt dibattitu li tqanqal fuq Popolin dwar il-futur tal-ilsien Malti, l-attriċi u direttriċi lokali Evelyn Saliba La Rosa saħqet li hawn nuqqas ta’ kontenut li huwa indirizzat għat-tfal Maltin u huwa msawwar bil-lingwa nattiva ta’ pajjiżna.

Mal-preżentatur Quinton Scerri, Evelyn sostniet li tħoss li hawn nuqqas ta’ kotba, films u programmi li huma bil-Malti u jaspiraw li jkunu ta’ interess għal udjenza minuri.

Hi semmiet kif kien proprju għalhekk li madwar 14-il sena ilu, hi kienet waħda mill-imħuh wara sensiela Maltija bl-isem ta’ D.R.EA.M.S. li kienet proprju immirata lejn udjenza żagħżugħa.

Evelyn argumentat li bl-istess mod li fi stazzjonijiet televiżivi barranin tintuża l-lingwa tal-pajjiż ikkonċernat, hekk ukoll fl-istazzjon nazzjonali Malti għandu jiġi żgurat li l-ilsien Malti jintuża kemm jista’ jkun.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Yazmin Ta’ Love Island Tiżvela L-Kamra Li Qed Tħejji Għal Bintha Minna

Gwida.mt Illum

Il-personalità lokali Yazmin Helledie li bosta jiftakru tippreżenta l-ewwel żewġ edizzjonijiet ta’ Love Island Malta żvelat fuq il-midja soċjali tagħha l-kamra li bħalissa qed tħejji għal bintha Minna. Fil-filmat li tellgħet il-kamra tidher qed titħejja b’mod vivaċi u permezz ta’ diversi lwien appuntu għaċ-ċkejkna. Kien proprju f’Diċembru li għadda li Yazmin u żewġha Keith laqgħu […]