Ixxerja

Bħala parti minn kampanja li qed isseħħ sabiex tiġi xprunata l-kanzunetta Maltija tal-Eurovision Song Contest għal din is-sena, fil-belt kapitali tal-Bulgarija għadu kif intlemaħ billboard li qed iħeġġeġ lill-poplu Bulgaru sabiex jagħti l-vot tiegħu lil Malta.

Matul dawn l-aħħar ġimgħat, AIDAN kellu l-opportunità li jdur diversi pajjiżi u jsemma’ l-kanzunetta tiegħu lil bosta popli differenti, inkluż dak Bulgaru. Fil-fatt, il-kantant żagħżugħ ta’ 26 sena kien saħansitra ta intervista lil programm Bulgaru li jixxandar kull filgħodu.

Kien proprju fuq il-pjattaforma ta’ Reddit li ttella’ ritratt ta’ dan il-billboard. Fis-sezzjoni tal-kummenti spikkaw bosta Bulgari li dehru diġà familjari ma’ pajjiżna tant li ftakru fil-kanzunetta li kienet irrappreżentanta s-sena l-oħra; il-kanzunetta ‘Kant’ kantata minn Miriana Conte.

Il-Eurovision Song Contest 2026 mistenni jibda nhar it-Tlieta 12 ta’ Mejju. AIDAN mistenni jkanta l-ewwel darba fl-14 ta’ Mejju meta se tkun qiegħda sseħħ it-tieni serata tas-semi-finali.

Nawguraw kull suċċess lil AIDAN!

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Malta Titla’ Fl-10 Post Fid-Djar Tal-Imħatri Ta’ Min Aktarx Se Jirbaħ Il-Eurovision Song Contest 2026

Cristian Tonna Illum

Pajjiżna għadu kif tela’ fl-għaxar post fid-djar tal-imħatri li bħalissa qed jipprovaw ibassru min se jirbaħ dan il-festival mużikali. S’issa, id-djar tal-imħatri qed ibassru li se tkun proprju l-Finlandja li toħroġ rebbieħa. Dan filwaqt li Malta fl-għaxar post hija segwita mill-Italja, ir-Rumanija, l-Isvezja, l-Iżrael, Franza, l-Awstralja, id-Danimarka, il-Greċja kif ukoll il-Finlandja.