Aħbar sabiħa għal Glen Ciantar u martu hekk kif f’jum San Patrizju laqgħu l-ewwel tarbija tagħhom fid-dinja, tifla li semmewha Emily.
F’post emozzjonanti fuq il-midja soċjali, Glen qasam dan il-mument speċjali mas-segwaċi tiegħu, fejn kiteb, “F’Jum San Patrizju jien u marti laqajna l-ewwel tarbija u tifla tagħna Emily. Grazzi lil kulħadd tal-awguri sbieħ u lit-tim mill-aqwa fl-MDH”.
Dan il-jum sar saħansitra aktar memorabbli għalihom, hekk kif il-wasla ta’ Emily ġabet magħha ferħ kbir għall-familja kollha. Glen ma naqasx milli jirringrazzja lit-tim mediku f’Mater Dei Hospital għall-kura u s-servizz eċċellenti li tawhom f’dan il-mument tant importanti.
Glen Ciantar huwa magħruf sew għall-preżenza attiva tiegħu fuq il-midja soċjali, fejn spiss jaqsam opinjonijiet dwar affarijiet li qed jiġru madwarna u jħeġġeġ diskussjoni dwar kif nistgħu ntejbu l-gżira tagħna. Din id-darba, però, kien mument aktar personali li qasam mal-pubbliku – wieħed mimli emozzjoni u gratitudni.
Minn naħa tagħna, nawguraw lil Glen, lil martu u lit-tifla tagħhom Emily kull ġid u ferħ f’dan il-kapitlu ġdid tal-ħajja tagħhom.
Facebook / Glen Ciantar
