Ixxerja

Il-jum tal-4 t’Awwissu tal-2022 huwa wieħed li jibqa’ ttimbrat f’moħħ omm iċ-ċkejken Harvey hekk kif kien proprju f’dan il-jum li hi skopriet li binha kellu l-lewkimja u li ftit jiem oħra kien se jkollu jibda l-ġlieda tiegħu permezz tal-kimoterapija.

Ma’ Puttinu Cares, l-omm tistqarr li meta ngħatat din l-aħbar ħasset sens kbir ta’ biża’ u inċertezza. Tirrakkonta kif għal kważi 1,200 jum ħajjithom inbidlet ta’ taħt fuq u d-dar il-ġdida tagħhom saret l-isptar.

“Hi ħajja li l-ebda omm ma timmaġina għal binha,” tistqarr omm iċ-ċkejken Harvey.

L-omm tesprimi wkoll gratitudni liema bħalha lejn Puttinu Cares għall-għajnuna kontinwa li huma tawhom fil-proċess li Harvey kien qed jiġġieled kontra l-lewkimja.

Tispjega kif anke meta kellhom bżonn jitilgħu l-Ingilterra għall-kura, hemmhekk ukoll sabu l-għajnuna ta’ Puttinu li kienu pronti offrew l-appartamenti tagħhom.

F’Novembru tas-sena l-oħra, b’xorti tajba u b’turija ta’ reżiljenza u perseveranza, iċ-ċkejken Harvey irnexxielu jtemm il-kimoterapija u llum il-ġurnata jinsab b’saħħtu.

Prosit, Harvey!

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Possibbiltà Ta’ Xi Ħalbiet Tax-Xita Bir-Ragħad Fi Tmiem Din Il-Ġimgħa

Cristian Tonna Illum

L-Uffiċju Meteroloġiku Malti qed jantiċipa l-possibbiltà li fi tmiem din il-ġimgħa pajjiżna jaf jintlaqat minn xi ħalbiet tax-xita bir-ragħad. Filwaqt li l-jum tas-Sibt hu mbassar li se jkun wieħed imsaħħab, min-naħa ‘l oħra l-Ħadd hu mistenni li l-gżejjer Maltin possibbilment tintlaqat mix-xita u r-ragħad. It-temperatura matul tmiem din il-ġimgħa mistennija tkun ta’ 10°C.