Ixxerja

Infrastructure Malta ħarġet avviż importanti dwar xogħlijiet li se jsiru fil-qalba ta’ waħda mill-aktar żoni traffikużi f’Malta.

Proprjament għada, d-19 ta’ Marzu 2026, bejn is-6:00am u d-9:00pm, Triq Rue D’Argens se tkun magħluqa għat-traffiku. Dan l-għeluq jinkludi wkoll l-islip road minn Triq Mikiel Anton Vassalli li tagħti għal Triq il-Kunċizzjoni fid-direzzjoni mill-Imsida lejn il-Gżira.

Skont Infrastructure Malta, dawn ix-xogħlijiet qed isiru biex jitqiegħdu servizzi ġodda minn taħt l-art – investiment importanti biex tissaħħaħ l-infrastruttura tal-pajjiż u jitjiebu s-servizzi fit-tul.

Minħabba dawn il-bidliet, is-sewwieqa huma mħeġġa jippjanaw il-vjaġġ tagħhom minn qabel u jużaw rotot alternattivi. Waħda mir-rotot suġġeriti hija dik li tgħaddi minn fuq il-flyover fid-direzzjoni tal-Pietà u l-Belt Valletta.

Infrastructure Malta temmet tappella għall-koperazzjoni tal-pubbliku sabiex dawn ix-xogħlijiet ikunu jistgħu jitlestew bl-inqas inkonvenjent possibbli.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

“Int Mhux Biss Il-Kelb Tiegħi… Int Ibni” – Selwyn Ta’ Love Island B’Messaġġ Li Jmiss Il-Qalb 

Eileen Cumbo Salerno Ilbieraħ

Mument li mess il-qlub ta’ ħafna mis-segwaċi tiegħu – Selwyn, magħruf minn Love Island, qasam messaġġ profond u emozzjonanti ilbieraħ biex jiċċelebra għeluq il-ħames snin tal-kelb tiegħu. F’post li ġibed ħafna attenzjoni fuq il-midja soċjali, Selwyn fetaħ qalbu u wera kemm ir-rabta bejnu u l-kelb tiegħu hija waħda speċjali u unika.“Awguri f’għeluq il-ħames snin lit-tifel tiegħi […]