Ixxerja

Giordano Italian Pizza & Restaurant ħabbar li se jkun qed jagħlaq il-bibien tiegħu b’mod permanenti fit-23 ta’ Frar 2026, wara snin ta’ servizz u memorji sbieħ mal-klijenti tiegħu.

F’messaġġ emozzjonanti indirizzat lill-klijenti u lill-ħbieb tal-istabbiliment, it-tim spjega li din id-deċiżjoni ma kinitx waħda faċli. “Wara ħafna memorji sbieħ… wasal iż-żmien għal kapitlu ġdid,” kitbu, filwaqt li rringrazzjaw lil dawk kollha li tul is-snin appoġġjawhom, iċċelebraw magħhom u saru parti minn dak li ddeskrivew bħala familja estiża.+

L-istqarrija tkompli tispjega li dan il-kapitlu qed jingħalaq biex jibda wieħed ġdid – b’inizjattiva kummerċjali ġdida li dalwaqt se jitħabbru aktar dettalji dwarha. Antonio Giordano u t-tim tiegħu esprimew l-eċitament tagħhom għal dak li ġej, filwaqt li appellaw lill-pubbliku biex ikompli jsegwihom u jappoġġjahom fil-vjaġġ li jmiss.

Għal ħafna, Giordano ma kienx biss ristorant Taljan iżda post ta’ laqgħat, ċelebrazzjonijiet u mumenti speċjali. Issa, hekk kif joqrob Frar 2026, jibqa’ żmien biex dawk li ilhom japprezzaw dan l-istabbiliment jagħmlu żjara oħra qabel jingħalaq dan il-kapitlu u jibda ieħor ġdid.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

“Stephanie Farrugia Qed Tiġi Mfittxija Fuq Ordni Tal-Maġistrat B’rabta Ma’ Każ Li Hemm Għaddej Fil-Qorti” – The Malta…

Charlton Cefai Illum

Permezz ta’ kitba fuq il-paġna tagħhom, The Malta Police Force qasmu mas-segwaċi tagħhom appell rigward persuna li qed tiġi mfittxija mill-pulizija. Huma qalu, “Stephanie Farrugia qed tiġi mfittxija fuq ordni tal-Maġistrat b’rabta ma’ każ li hemm għaddej fil-Qorti.” Żiedu, “Kull min għandu xi informazzjoni dwar din il-persuna, jista’ jgħaddiha lill-Pulizija, permezz ta’ messenger, jew iċempel, […]