Ixxerja

Is-Sindku tal-Kalkara u preżentatur maħbub Wayne Aquilina, fuq il-mezzi soċjali tiegħu kmieni dalgħodu ħabbar il-mewta tal-għażiż nannuh. Wayne kiteb, “Ħalliena n-nannu Pawlu, magħruf ma’ bosta Kalkariżi. Ġimgħa ilu għalaq 89 sena, iżda kien ilu minn dakinhar jieħu l-aħħar nifsijiet ta’ ħajtu. Ftit tas-siegħat ilu, l-Mulej għoġbu jsejjaħlu biex imur ħdejh.”

Hu jżid, “Ħafna memorji sbieħ tan-nannu Pawlu jiġu quddiemi bħalissa. Memorji, li ħafna minnhom inniesluli tbissima, bħal f’dan ir-ritratt meta wara l-ewwel darba li tlajt Sindku wassaltu sad-dar. Kien ferħan se jtir għax dejjem xtaq jarani mmexxi r-raħal li tant ħabb; il-Kalkara.”

Hu jtemm, “Strieħ fis-sliem Nannu u grazzi ta’ dak kollu li għamilt magħna.” F’isem it-tim ta’ Gwida, ngħaddu l-kondoljanzi tagħna lil Wayne u l-kumplament tal-familja. Ċertament li hi telfa għażiża għalihom u se jħossu n-nuqqas tiegħu mmens. Strieħ fil-paċi Pawl.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

“Int Mhux Biss Il-Kelb Tiegħi… Int Ibni” – Selwyn Ta’ Love Island B’Messaġġ Li Jmiss Il-Qalb 

Eileen Cumbo Salerno Ilbieraħ

Mument li mess il-qlub ta’ ħafna mis-segwaċi tiegħu – Selwyn, magħruf minn Love Island, qasam messaġġ profond u emozzjonanti ilbieraħ biex jiċċelebra għeluq il-ħames snin tal-kelb tiegħu. F’post li ġibed ħafna attenzjoni fuq il-midja soċjali, Selwyn fetaħ qalbu u wera kemm ir-rabta bejnu u l-kelb tiegħu hija waħda speċjali u unika.“Awguri f’għeluq il-ħames snin lit-tifel tiegħi […]