Ixxerja

Intervistat fuq Popolin, l-attur Malti Eric Grech tkellem dwar esperjenza xejn pjaċevoli li kellu jgħaddi minnha ftit jiem ilu hekk kif sab ruħu mwaħħal f’ajruport f’Dubaj eżattament ftit sigħat wara li bdiet il-gwerra fil-Lvant Nofsani.

Eric jispjega li minħabba s-sitwazzjoni preżenti għadd ta’ titjiriet bdew jiġu kkanċellati u minħabba f’hekk kellu jagħmel ‘il fuq minn 12-il siegħa jistenna fl-ajruport. Jistqarr li dawn is-sigħat kienu kkaraterizzati minn sens qawwi ta’ biża’ u ansjetà.

L-attur Malti jirrakkonta kif f’xi mumenti tilef ukoll kull kuntatt mal-membri tal-familja tiegħu hekk kif minħabba raġunijiet ta’ sigurtà, l-uffiċjali ta’ Dubaj bdew ukoll jirrestrinġu l-użu tal-mowbajl. Isemmi kif anke għall-familjari tiegħu din kienet esperjenza kiefra ferm.

“Meta mbagħad tlajna fuq l-ajruplan għamilna tlett kwarti oħra nistennew fir-runway… dak il-ħin bdejt nitlob ħafna lill-Bambin u lil ommi għax verament bżajt li se mmut,” jistqarr Eric emozzjonat.

Kompla jsemmi li meta b’xorti tajba wasal lura Malta qawwi u sħiħ infexx jibki bil-ferħ. Eric ifisser b’sinċerità li ma jixtieq lil ħadd li jgħaddi minn din l-esperjenza.

Kuraġġ, Eric!

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

“Donazzjoni Ta’ Flokk Iffirmat Mill-Plejers Tat-Tim Nazzjonali, Li Ser Jiġi Mtella’ F’Lotterija… Il-Fondi Kollha…

Kyle Zarb Illum

Ġest sabiħ ta’ solidarjetà u ġenerożità tħabbar mill-Malta Football Association, permezz ta’ inizjattiva b’għan nobbli. Taħt it-tema Nappoġġjaw Kawża Ġusta, l-Assoċjazzjoni tat donazzjoni ta’ flokk iffirmat mill-plejers tat-tim nazzjonali Malti. Dan il-flokk ser jiġi mtella’ f’lotterija organizzata fi ħdan il-Forzi Armati ta’ Malta, fejn il-fondi kollha li jinġabru se jmorru direttament għall-karità. Din l-inizjattiva għandha […]