Ixxerja

Il-kantant Malti Victorio Gauci qasam messaġġ mill-isbaħ fuq il-midja soċjali b’dedikazzjoni speċjali lil ibnu Giuseppe, li qed jiċċelebra t-12-il sena tiegħu.

Fi kliem mimli affezzjoni u emozzjoni, Victorio ddeskriva lil Giuseppe bħala tifel li jġib ferħ kbir fil-ħajja tagħhom, b’personalità vivaċi, enerġija pożittiva u ftit ċajt li dejjem iżomm lil kulħadd fuq saqajh. Huwa semma wkoll il-kurżità naturali ta’ ibnu u x-xewqa tiegħu li jipprova affarijiet ġodda – kwalitajiet li skontu, jagħmluh tassew speċjali.

Il-kantant esprima x-xewqa tiegħu li Giuseppe jkompli jżomm dawn il-karatteristiċi sbieħ hekk kif ikompli jikber, filwaqt li bil-mod il-mod jimmatura f’persuna li tifhem x’inhu tajjeb u x’inhu ħażin. Victorio assigura li hu u l-familja dejjem se jkunu hemm biex jiggwidawh u jappoġġjawh f’kull pass tal-vjaġġ tiegħu.

“Minn qalbna, inħobbuk aktar milli nistgħu nesprimu bil-kliem — u din l-imħabba tkompli tikber kuljum,” temm Victorio fil-messaġġ tiegħu, li mess il-qlub ta’ ħafna segwaċi.

Messaġġ sempliċi iżda qawwi li jfakkarna fis-sbuħija tar-rabta bejn il-ġenituri u wliedhom.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

“Iċ-Ċkejkna Jasmine Qisha Supereroj”– Filmat Li Juri L-Progress Kontinwu  U Straordinarju Tagħha

Eileen Cumbo Salerno Ilbieraħ

Dak li qed naraw mhuwiex sempliċiment filmat ta’ tifla bilqiegħda fuq ballun. Dak il-mument qasir jaħbi warajh storja twila ta’ xogħol bla waqfien, determinazzjoni, paċenzja u ħafna ħin. Il-filmat juri lil Jasmine f’mument ta’ progress li għal ħafna jista’ jidher żgħir, iżda għaliha u għal dawk li jifhmu l-vjaġġ tagħha, hu pass kbir ’il quddiem. […]