Ixxerja

F’kitba li tmiss il-qalb, omm Faith rrakkontat kif dak iż-żmien kien wieħed mimli sentimenti mħallta. “Dan kien l-aħħar photoshoot tagħna qabel ma daħal Theo fil-familja żgħira tagħna,” kitbet, waqt li fakkret kemm dak il-mument kien prezzjuż għaliha u għal bintha Faith.

L-omm stqarret li dak iż-żmien kienet qed tgħix bi ftit biża’ – biża’ naturali li ħafna ġenituri jħossu meta jkunu qed jistennew it-tieni wild. “Kont nibża’ kif se naqsmu l-imħabba bejn żewġt itfal,” spjegat b’onestà kbira.

Madankollu, iż-żmien wera realtà ferm isbaħ minn dak li kienet timmaġina. Minflok ma l-imħabba naqset jew tinqasam, hija spjegat kif qalbha “kibret” biex tilqa’ aktar. “L-imħabba rdoppjat,” kitbet u dan ippermettilha tħobb lil Faith u lil Theo bl-istess imħabba u dedikazzjoni.

Illum, dak li darba kien biża’, sar wieħed mill-isbaħ esperjenzi tagħha bħala omm. Hi stqarret li l-akbar ferħ tagħha huwa li tara r-relazzjoni bejn uliedha tikber kuljum – rabta sabiħa bejn l-aħwa li qed tinbena fuq imħabba pura u ġenwina. “Li nara dik l-imħabba tinbidel f’rabta sabiħa bejn “binti u ibni… hija kull ma setgħet tixtieq qalbi,” temmet tgħid.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Li Nkun Ommok Kienet L-Isbaħ Esperjenza Ta’ Ħajti” – Claire Ta’ Big Brother F’Għeluq Snin Binha Leon

Gwida.mt Ilbieraħ

B’kitba emozzjonanti fuq il-midja soċjali, illum Claire li bosta jiftakruha f’Big Brother Malta, awgurat l-isbaħ xewqat lil binha Leon li proprju llum jagħlaq 16-il sena. Claire stqarret li għadha tiftakar il-mument meta 16-il sena ilu kienet tant ħerqana sabiex tkun omm u llum il-ġurnata tistqarr li għaliha din l-esperjenza kienet l-isbaħ waħda “anke jekk stess […]