Ixxerja

Ilum l-attur Ġorġ Cortis qed jiċċelebra għeluq sninu. Hu twieled fil-21 ta’ Diċembru tal-1955 u b’hekk illum qed jiċċelebra għeluq is-70 sena tiegħu. Bosta telespettaturi jibqgħu jassoċjawh mas-sensiela popolari Aħna Aħna Jew M’Aħniex. 

Il-mixja artistika ta’ Ġorġ bdiet minn età żgħira ħafna, meta kellu biss 13-il sena, meta tela’ fuq il-palk għall-ewwel darba mal-kumpanija Dun Mikiel Xerri ta’ Ħaż-Żebbuġ.It-talent tiegħu fuq il-palk wasslu biex jikseb ir-rikonoxximent tal-Aqwa Attur f’konkors li kien ittella’ fl-Imġarr.

Matul is-snin ħadem ukoll f’postijiet prestiġjużi bħall-Istitut Kattoliku u t-Teatru Manoel, kif ukoll ma’ MTADA u f’diversi produzzjonijiet fit-teatri tal-irħula. L-imħabba għad-drama tidher li hija parti mill-familja Cortis, hekk kif ħuh il-kbir Joe Cortis huwa wkoll attur magħruf, b’sehem f’għadd ta’ sensiliet drammatiċi li xxandru fuq it-televiżjoni lokali f’dawn l-aħħar snin.

Aħna mit-tim ta’ Gwida.mt nixtiequ nawgurawlu jum mill-isbaħ!

Ixxerja

Miktub Minn

Bernard Xuereb

Apparti l-interess kbir għall-ikel u tisjir vegan, Bernard iħobb ħafna l-qari. Għalkemm il-lingwa Maltija tibqa’ fl-ewwel post, iħobb jitgħallem lingwi ġodda bħal Ġappuniż. Jaffaxxina ruħu bil-kulturi u l-istorja, u għandu mħabba kbira lejn l-ambjent u l-annimali.

Issa

Bil-Filmat: Il-Ministru Owen Bonnici Flimkien Ma’ Dawn Il-Personalitajiet Jawgura L-Festi T-Tajba

Kyle Zarb Illum

Fuq il-paġna uffiċjali tiegħu, il-Ministru tal-Kultura Owen Bonnici qasam filmat biex jawgura l-festi t-tajba lill-poplu Malti u Għawdxi. Ma kienx waħdu iżda miegħu ngħaqdu tliet personalitajiet li matul din is-sena b’mod speċjali, rajna t-talent tagħhom jagħmilna kburin – Miriana Conte, Beppe u Henry Galea. Ilkoll awguraw lil kulħadd għall-festi tal-Milied u tal-ewwel tas-sena, u ħeġġew […]