Ixxerja

Il-kantanta Jasmine, bil-kanzunetta tagħha “Nistaqsi”, kisbet l-ewwel post fis-sitt edizzjoni tal-festival Mużika Mużika. Il-finali saret ilbieraħ filgħaxija fl-MFCC f’Ta’ Qali, fejn 16-il kanzunetta waslu sal-aħħar fażi f’ċelebrazzjoni tal-lingwa Maltija.

Il-festival beda l-Ħamis, meta ġew ippreżentati għall-ewwel darba s-16-il kanzunetta parteċipanti. L-għada, il-Ġimgħa, saret serata speċjali ddedikata għall-klassiċi Maltin, fejn il-finalisti kantaw flimkien ma’ artisti stabbiliti interpretazzjonijiet ta’ kanzunetti magħrufa.

Ir-riżultat finali ġie deċiż permezz ta’ votazzjoni li inkludiet kemm il-pubbliku preżenti fis-sala u t-telespettaturi permezz tal-SMS, kif ukoll il-ġurija.

Il-kompetizzjoni intemmet ilbieraħ bis-serata finali, fejn il-parteċipanti reġgħu esegwew il-kanzunetti oriġinali tagħhom, u fl-aħħar intgħażlet “Nistaqsi” ta’ Jasmine bħala r-rebbieħa.

Il-kanzunetta ‘Niftakarna’ ta’ Daniel Cauchi ġiet fit-tieni post filwaqt li l-kanzunetta ‘Int u Jien’ ta’ Kevin Paul ġiet fit-tielet post.

Ixxerja

Miktub Minn

Bernard Xuereb

Apparti l-interess kbir għall-ikel u tisjir vegan, Bernard iħobb ħafna l-qari. Għalkemm il-lingwa Maltija tibqa’ fl-ewwel post, iħobb jitgħallem lingwi ġodda bħal Ġappuniż. Jaffaxxina ruħu bil-kulturi u l-istorja, u għandu mħabba kbira lejn l-ambjent u l-annimali.

Issa

“L-Aħħar Ġurnata Tas-Sekondarja Għall-Istudenti Tal-Ħdax-il Sena.” – Is-Servizz Pubbliku

Kyle Zarb Illum

April huwa x-xahar meta ħafna studenti tal-ħdax-il sena jtemmu l-vjaġġ tagħhom fl-iskola sekondarja. Hekk kif huwa normali li dawn l-istudenti jgħaddu minn mumenti ta’ stress u ansjetà minħabba l-o-levels, familjari u dawk viċin tagħhom jagħtuhom l-appoġġ li hemm bżonn. Il-paġna Is-Servizz Pubbliku jiktbu, “Għada hi l-aħħar ġurnata tas-sekondarja għall-istudenti tal-ħdax-il sena. Awguri.” Lill-istudenti: Importanti temmen […]