Ixxerja

Il-personalità lokali Gaia qasmet riflessjoni intima u emozzjonanti fuq il-midja soċjali, fejn fetħet qalbha dwar sena li ddeskrivietha bħala waħda li “kissritha b’modi li qatt ma bassret”.

F’messaġġ mimli vulnerabbiltà, Gaia stqarret li xejn ma seta’ jħejjiha għall-uġigħ, il-kaos u l-mumenti diffiċli li ħallewlha bla nifs matul l-2025. Hija rrakkuntat kif kien hemm ġranet fejn lanqas kienet taf kif se tgħaddi minnhom, u oħrajn fejn bilkemm irnexxielha tkompli.

Minkejja li l-weġgħa għadha tinħass, forsi aktar milli tammetti, Gaia temmen li xi ħaġa fiha qed tinbidel. Tkellmet dwar tkabbir personali li qed iseħħ anke meta tħossu skomdu u inġust, u dwar tama li s-sena li ġejja tagħtiha spazju biex tieħu ftit aktar nifs.

Fil-messaġġ tagħha, hija esprimiet ukoll gratitudni lejn in-nies li baqgħu jħobbuha, dawk li telqu minn ħajjitha, u dawk li daħlu fiha bla mistenni u għenuha tibqa’ għaddejja, anke jekk forsi qatt ma jifhmu bis-sħiħ kemm kienu importanti f’dawk il-mumenti.

Messaġġ li reġa’ jfakkar li wara kull sena diffiċli hemm proċess ta’ fejqan, tkabbir u tama għal kapitlu ġdid.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Lifestyle

“Diversi Storiċi Fis-Seklu 16 Isemmu Li N-Nisa Maltin Kien Ikollhom L-Ewwel Tarbija Ta’ 12-Il Sena.” – Evarist Bartolo

Emil Calleja Bayliss Illum

Studji arkeoloġiċi u xjentifiċi fuq għadam misjub f’Ħal Millieri qed jitfgħu dawl ġdid fuq kif kienet il-ħajja f’Malta aktar minn ħames sekli ilu u r-riżultati huma kemm affaxxinanti kif ukoll emozzjonanti. F’kitba riċenti, Evarist Bartolo jirrakkonta kif skavi li saru fl-1977 madwar il-kappella tal-Lunzjata fir-raħal medjevali ta’ Ħal Millieri, qrib iż-Żurrieq, wasslu għall-iskoperta ta’ għadd […]