Ixxerja

F’messaġġ mimli emozzjoni, l-MSPCA qasmet storja ta’ kuraġġ u tama li tfakkarna kemm il-ħajja hija prezzjuża anke għal dawk li ma jistgħux jitkellmu.

L-MSPCA kitbu “MSPCA Intake #35 Today. Parvo survivor. Fighter.” Hekk bdiet il-kitba li mal-ewwel tmisslek qalbek. Dan il-kelb ċkejken, li kważi tilef ħajtu minħabba l-virus tal-parvo, irnexxielu jiġġieled u jibqa’ ħaj u għalhekk tassew jixraqlu t-titlu ta’ “eroj”. Il-Parvo (jew canine parvovirus) huwa virus serju ħafna li jattakka l-klieb, speċjalment lill-ġriewi.

Għalkemm il-kelb għadu dgħajjef u taħt il-piż ideali tiegħu, issa qed jibda kapitlu ġdid: ir-riabilitazzjoni. L-MSPCA qed jagħtuh kull opportunità biex jirkupra u forsi, xi darba jsib familja li tieħu tħobbu u tieħu ħsiebu. “Hu għadu dgħajjef u taħt il-piż, imma se nagħtuh kull ċans biex jirkupra u jiffjorixxi,” spjegaw.

Din mhijiex biss storja ta’ sopravivenza, iżda wkoll ta’ tama. Turi kemm il-ħidma tal-organizzazzjonijiet tal-annimali tista’ tagħmel differenza reali. Il-messaġġ tagħhom jagħlaq b’appell sempliċi imma qawwi: “agħtuh l-appoġġ tagħkom!”

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

“Int Mhux Biss Il-Kelb Tiegħi… Int Ibni” – Selwyn Ta’ Love Island B’Messaġġ Li Jmiss Il-Qalb 

Eileen Cumbo Salerno Illum

Mument li mess il-qlub ta’ ħafna mis-segwaċi tiegħu – Selwyn, magħruf minn Love Island, qasam messaġġ profond u emozzjonanti ilbieraħ biex jiċċelebra għeluq il-ħames snin tal-kelb tiegħu. F’post li ġibed ħafna attenzjoni fuq il-midja soċjali, Selwyn fetaħ qalbu u wera kemm ir-rabta bejnu u l-kelb tiegħu hija waħda speċjali u unika.“Awguri f’għeluq il-ħames snin lit-tifel tiegħi […]