L-iskola St. Monica School Gżira ippubblikat kjarifika fuq il-paġna uffiċjali tagħha rigward materjal relatat ma’ kampanja elettorali politika.
“IMPORTANTI: Nixtiequ niċċaraw li l-iskola/kongregazzjoni tagħna ma tatx permess biex l-uniformi tagħna tintuża f’materjal ta’ kampanja elettorali politika. Aħna diżappuntati ħafna li l-identità u l-immaġni tagħna ġew assoċjati ma’ kampanja politika mingħajr l-għarfien jew il-kunsens tagħna.”
Fl-istess stqarrija, l-iskola appellat sabiex ikun hemm rispett lejn l-istituzzjoni u lejn il-valuri li tħaddan u tirrappreżenta.
“L-istituzzjoni tagħna tibqa’ indipendenti u impenjata biss għall-formazzjoni edukattiva u ħolistika tal-istudenti tagħna, ħielsa minn kull affiljazzjoni politika. Nitolbu rispett għall-istituzzjoni tagħna u għall-valuri li nħaddnu.”
