Ixxerja

Melvic Zammit ħabbar li se jkun qed jirritorna fuq l-istazzjon nazzjonali TVM wara nuqqas ta’ sitt snin, bi rwol ġdid li jġib miegħu aktar responsabbiltà.

Melvic Zammit qasam din l-aħbar permezz ta’ post fuq il-midja soċjali, fejn spjega li din id-darba mhux biss se jkun qed jippreżenta, iżda wkoll jipproduċi diskussjonijiet politiċi marbuta mal-kampanja elettorali għall-Elezzjoni Ġenerali 2026.

Fil-messaġġ tiegħu, Zammit kiteb, “Wara sitt snin, lura fuq TVM. Din id-darba b’responsabilità ġdida fejn ser nipproduċi u nippreżenta diskussjonijiet politiċi tul din il-kampanja elettorali għall-Elezzjoni Ġenerali 2026. Kuljum bejn 7:15 u 7:45.”

Dan ifisser li kuljum filgħodu, bejn is-7:15 u s-7:45, it-telespettaturi se jkollhom l-opportunità jsegwu dawn id-diskussjonijiet li mistennija jiffukaw fuq temi politiċi attwali u rilevanti għall-elezzjoni li ġejja.

Ir-ritorn tiegħu fuq TVM qed iqajjem interess fost dawk li jsegwu x-xena medjatika u politika lokali, speċjalment fid-dawl tal-irwol importanti li se jkollu f’dan il-perjodu kruċjali għall-pajjiż.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Ma Nistax Niddeskrivi… It-Taħlita Ta’ Emozzjonijiet Li Ħassejt” – Maxine Aquilina Tiltaqa’ Ma’ Missierha Wara 27 Sena

Emil Calleja Bayliss Illum

Storja personali u emozzjonanti minn Maxine Aquilina fetħet diskussjoni sinċiera dwar relazzjonijiet familjari, fejqan emozzjonali u l-qawwa tal-maħfra. F’kitba li qasmet fuq il-midja soċjali, Maxine irrakkontat kif ħames snin ilu kellha laqgħa li bidlitilha ħajjitha, meta ltaqgħet ma’ missierha għall-ewwel darba wara 27 sena. Hija spjegat kif trabbiet minn ommha, li ddeskriviet bħala tal-ġenn u […]